Италия А Сериясининг 15-турида «Интер» 3 январь, якшанба куни «Кротоне»ни қабул қилди.
Аввалига меҳмонлар 12-дақиқадаги тезкор гол эвазига олдинга ўтиб олди. Бунга миланликлар Лаутаро Мартинеснинг голи жавоб қайтарди, орадан кўп ўтмай «Кротоне» вакили ўз дарвозасини ишғол қилиб қўйди. 36-дақиқада меҳмонлар пенальтидан гол урган ҳолда мувозанатни тиклади.
Иккинчи бўлим тўлиқ Антонио Конте шогирдлари устунлигида ўтди ва «Интер» рақиб дарвозасига жавобсиз тўртта тўп киритди. Лаутаро яна иккита гол урган ҳолда ҳет-трикни расмийлаштирган бўлса, Ромелу Лукаку ва Ашраф Ҳакими бир мартадан дарвозани аниқ нишонга олди.
Ушбу ғалабадан кейин «Интер» очколарини 36 тага етказиб олди ва битта захира ўйинига эга «Милан»дан икки очкога илгарилаб, пешқадамга айланди. «Кротоне» (9) эса 19-поғонада бормоқда.
А Серия
15-тур баҳси
3 январь, якшанба
«Интер» — «Кротоне» 6:2
Голлар: 0:1 – 12 Занеллато, 1:1 – 20 Мартинес, 2:1 – 31, автогол Марроне, 2:2 – 36, пенальти Големич, 3:2 – 57 Мартинес, 4:2 – 64 Лукаку, 5:2 – 78 Мартинес, 6:2 – 87 Ҳакими.«Интер»: Ҳанданович, Янг (Дармиан, 75), де Врей, Шкриньяр, Ҳакими, Барелла (Гальярдини, 70), Брозович, Видаль (Сенси, 46), Бастони (Коларов, 81), Мартинес, Лукаку (Перишич, 75).
«Кротоне»: Кордац, Педру Перейра, Големич (Жижи, 85), Марроне, Рэтса, Занеллато, Молина (Вулич, 85), Junior Мессиас (Рохас, 86), Эдуардо Энрике, Луперто (Магалян, 70), Ривер (Нванкво, 62).
Огоҳлантиришлар: Рэтса (8), Големич (22), Луперто (52).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)