Ўзбекистонда коронавирусга қарши ZF 2001 вакцинасининг III босқич синовлари доирасида вакцина олган фуқаролар сони 29 декабрь, сешанба куни 830 кишига етди. Бу ҳақда Инновацион ривожланиш вазирлиги хабар берди.
Хитойнинг Anhui Zhifei Loncom Biofarmaceutical компанияси томонидан яратилган мазкур ZF 2001 рекомбинант вакцинасининг синовлари икки-томонлама номаълум, плацебо назорат усулда олиб борилмоқда.
Ўзбекистонда ушбу вакцина клиник синовлари бошлангани 10 декабрь куни маълум қилинган. 26 декабрга келиб 488 нафар кўнгилли ушбу вакцина билан эмланганди. 29 декабрь куни вакцина синовлари давридаги вакцина олган фуқароларнинг сони энг кўп қайд этилиб, 191 нафар кўнгиллини ташкил этган.
Ушбу тадқиқот бутун дунё бўйича бир неча марказларда 18 ёшдан ошган жами 29 000 кўнгилли иштирокчини қамраб олади.
Вакцина синовларида иштирок этишни истаганлар қуйидаги ҳавола орқали рўйхатдан ўтиши мумкин.
Аввалроқ Ўзбекистон инновацион ривожланиш вазири Хитой вакцинаси масаласида аҳолини хотиржамликка чақириб, синовда оила аъзолари ҳам қатнашаётгани, Тошкентда давом этаётган коронавирусга қарши вакциналар синовида ҳозирча ножўя таъсир аниқланмаганини маълум қилганди.
Шунингдек, вазирлик вакцинанинг ушбу синови 14 ой давом этишини маълум қилган.
Мавзуга доир:
- Ўзбекистонда Хитой вакцинаси синовида акс таъсир кузатилса ёки кўнгиллилардан бири вафот этса қандай йўл тутилади?
- Ўзбекистонда коронавирусга қарши Хитой вакцинасининг синови учун кўнгиллилар қай тартибда саралаб олинади?
- Ўзбекистонда 2021 йилнинг июнигача аҳолининг 60 фоизи коронавирусга қарши эмланади
Изоҳ (0)