Ўзбекистон ҳукумати «Ўзавтосаноат» компаниясини фақат электромобиллар ишлаб чиқаришга ўтказишни режалаштирмоқда. Бу ҳақда Вазирлар Маҳкамасининг 29 декабрдаги қарорида сўз боради, деб хабар берди «Gazeta.uz».
Ҳужжат «Ўзавтосаноат»ни фақат электр двигателлари бўлган автомобиллар ва автотранспорт воситаларини ишлаб чиқаришга ўтказишни назарда тутади. 2021 йил 1 февралгача компанияга хорижий мутахассислар ва консалтинг компанияларини жалб қилиш ва концепция лойиҳасини ишлаб чиқиш топширилди.
Масъул вазирликларга ҳокимликлар билан биргаликда икки ой ичида электр транспорти учун қувват олиш станцияларини (терминалларини) ўрнатиш бўйича «Йўл харитаси»ни ишлаб чиқиш топширилди.
Ҳозирда Ўзбекистонда электр транспорт воситаларини олиб кириш учун акцизлар ва божхона тўловлари олинмайди.
Эслатиб ўтамиз, январь—август ойлари давомида Ўзбекистонга қиймати 1,7 миллион доллар бўлган 73 та электр транспорт воситаси импорт қилинган.
Изоҳ (0)