Тошкент шаҳри жамоат транспортидан фойдаланиш учун «АТТО» оператори томонидан тақдим этиладиган имтиёзли (талаба, ижтимоий, ўқувчи) транспорт карталарини 2021 йил 1 январдан бошлаб пойтахтдаги 70 та ойлик йўл чипталари сотиш шохобчаларидан сотиб олиш мумкин бўлади, дея хабар қилмоқда «Тошшаҳартрансхизмат».
Маълум қилинишича, имтиёзли транспорт карталари бепул бўлиб, фақат керакли ҳужжатлар тақдим этган ҳолда, фуқаро ўзи танлаган тариф учун тўловни амалга ошириши керак.
Шунингдек, январь ойидан сотувга чиқариладиган электрон ойлик йўл чипталари, йўловчиларга ноқулайлик туғдирмаслик мақсадида, 2021 йил январь ойи учун автоматик тарзда 30 кунлик тарифлар билан тақдим этилади.
Аввалроқ Тошкентда 1 декабрдан бошлаб электрон транспорт картаси нархи 15 минг сўм этиб белгилангани, Тошкент жамоат транспортида йўл ҳақини нақд пулда тўлаш тартиби бекор қилинмаслиги ҳамда Тошкент метросининг Чилонзор йўналишини ТТЗ мавзесигача узайтириш режалаштирилаётгани ҳақида хабар берилганди.
Изоҳ (0)