Венада Жон Оттокар исмли 80 ёшли эркак Porsche Бохстер Spyder’ни харид қилди. Янги родстер нафақахўр умри давомида сотиб олган 80-моделга айланган. Эркак ўз коллекциясини сақлаш учун алоҳида бино қурган бўлиб, у ерда спорткарлардан ташқари бренднинг тарихига оид турли буюмларни ҳам сақлаб келади, деб хабар беради Motor.
Жон Оттокар ўзининг биринчи спорткари — сариқ рангли Porsche 911 Эъни 1972 йилда сотиб олган. Шундан буён австриялик коллекциясини узоқ йиллар давомида бойитиб келган. Эркак умри давомида 80 та немис спорткарига эгалик қилган, улар учун алоҳида бино қурдирган.
Айни вақтда 80 ёшли нафақахўрнинг 38 та Porsche спорткари мавжуд бўлиб, улар орасидан бир нечта пойга автомобиллари ҳам ўрин олган, жумладан, В8 двигатели билан жиҳозланган 917 ва 910 моделлари. Жоннинг ихтиёрида тўққизта Carrera РС, шунингдек, 911Р ва Type 911 моделлари ҳам бор.
Австриялик сўнгги бор Porsche Бохстер Spyder’ни харид қилган. Родстерга 375 от кучига эга (420 Нм) 3,8 литрли В6 двигатели ўрнатилган. Motor олти поғонали механик узатмалар қутиси ёрдамида бошқарилади. Спорткар соатига 100 километр тезликка 4,5 сонияда эришади, максимал тезлиги — 300 км/соат. Нафақахўр янги автомобили Суффенхаузендаги заводдан шахсан ўзи олиб кетган бўлиб, унга Porsche вакиллари родстер капотига эмблемани мустақил ўрнатишига рухсат берган.
Аввалроқ Норвегияда Генри Ҳаррфелдт исмли эркак 78 ёшга тўлиши муносабати билан 2018 йилги McLaren 720С Спидер родстерини харид қилгани тўғрисида хабар берилганди.
Изоҳ (0)