Video: Har kuni Ferrari F40’da harakatlanadigan amerikalik 80 yoshli nafaqaxo‘r
80 yoshli amerikalik Jon Klauer Ferrari F40 avtomobiliga egalik qilish borasidagi hissiyotlari bilan bo‘lishdi. Erkakning so‘zlariga ko‘ra, yoshi o‘tib qolganiga qaramay, u har kuni 478 ot kuchiga ega superkarini haydab kelmoqda, deb xabar beradi Motor.
Jon Klauer uzoq yillik kolleksioner hisoblanadi. Umrining 80 yili davomida erkak qariyb 20 ga yaqin superkarlarga egalik qilgan bo‘lib, ular orasida Ferrari’ning 15 modeli, Lamborghini Aventador, shuningdek, McLaren 675 LT mavjud. Biroq uning aytishicha, Aventador erkak uchun juda kenglik qilgan, McLaren’dan esa dam olish kunlari foydalanadi.
Amerikalik nafaqaxo‘r o‘z hayotini Italiyaning Maranello shahrida ishlab chiqarilgan avtomobillar markasi bilan bog‘lagan. Ayni vaqtda erkak qizil rangli afsonaviy Ferrari F40’ni har kuni haydab, rohatlanadi. Jonning ta’kidlashicha, tarixdagi eng mashhur superkarlardan birining sharofati bilan uni mutlaqo ijobiy hissiyotlar qamrab oladi va yoshiga qaramay doimo ruhan tetik.
Ferrari F40 1987-yildan 1992-yilga qadar ishlab chiqarilgan. Superkarga 478 ot kuchiga ega 2,9 litrli V8 dvigateli o‘rnatilgan. Agregat besh pog‘onali mexanik uzatmalar qutisi yordamida ishlaydi. Kupe soatiga 100 kilometr soatga 4,1 soniyada erishadi. Maksimal tezligi — 324 soat/km.
Avvalroq Norvegiyada Genri Harrfeldt ismli erkak 78 yoshga to‘lishi munosabati bilan 2018-yilgi McLaren 720S Spider rodsterini xarid qilgani to‘g‘risida xabar berilgandi.
