21 декабрь куни Уляновскда ахлат контейнерига ташлаб юборилган оқ-қора рангли мушук қутқариб олинди. Чиқиндиларни саралаш комплекси ходими оғзи боғланган қоп чиқинди сепараторига тушиб кетишига бир неча сония қолганида унинг ичидан мушукни чиқариб олган, деб хабар беради Meduza.
Мушукни қутқарган сараловчи Михаил Тукашнинг сўзларига кўра, у ўз мажбурияти бўйича қопнинг ичида металл бор-йўқлигини аниқлаш мақсадида қопни ушлаб кўрган.
«Пакетни қўлимга олганимда ичида юмшоқ нимадир борлигини сездим. Қопни озгина жойини кесганимда ичида менга қараб турган кўзларни кўрдим. Шундан сўнг, каттароқ кесиб, мушукни чиқариб олдим. Қизиқ жиҳати, у миёвламас, қоп ичида қимирламас ҳам эди. Шунда тирик жониворни чиқариб олдим. Мушук яхши қаралган, боқилган эди, бошпанасиз эмаслиги кўриниб турарди», — дейди Тукаш.
Аввалига мушук корхонанинг ўзида олиб қолинган, 23 декабрь куни у Уляновск вилояти Табиат ва циклик иқтисодиёт вазирлигига кўчиб ўтган. Идора раҳбари Гулнара Раҳматулинанинг айтишича, эндиликда вазирликнинг барча ходимлари унга жавобгар. «Мушук бевосита вазирликда яшайди, асосан, қабулхонада», — дейди идорадагилар.
Вазирлик мушукнинг янги иш жойига айланган. Унинг учун махсус норасмий лавозим — вазир ўринбосари лавозими жорий этилган.
Вазирлик мушукни қутқариб қолган Михаил Тукаш ва унинг бошлиғига миннатдорчилик хатини юборган. Бундан ташқари, корхона раҳбарияти Тукашга пул мукофоти билан тақдирлашга ҳам ваъда берган.
Изоҳ (0)