«Победа» авиакомпанияси «Внуково» аэропортидан кўтарилиб, ҳавода 1,5 соат парвоз қилган ҳолда яна шу аэропортга қайтиб келадиган ноодатий рейсни йўлга қўйган эди. Esquire’нинг ёзишича, биринчи рейс учун чипталар 8 дақиқа ичида сотиб бўлинган.
Мазкур рейс йўловчилари бир ярим соат «Олтин ҳалқа» шаҳарлари узра парвоз қилган. Чипта нархи — 7,5 минг рубль (99 доллар).
Парвоз вақтида «блогер учувчи Лёха» номи билан танилган ва «Небонутие» подкастининг бошловчиси, учувчи Алексей Кочемасов муаллифлик экскурсиясини амалга оширган.
Экскурсия вақтида йўловчиларга парвозга қандай тайёргарлик кўрилиши ва стюардессалар ишида қандай «сирлар» борлиги ҳақида маълумотлар берилган.
Ҳозирча авиакомпания бу каби рейсдан иккитасини амалга оширган: 19 ва 20 декабрь кунлари. Биринчи рейсга чипталар тўлиқ 8 дақиқа ичида, иккинчисига эса 6 дақиқада сотиб бўлинган.
Эслатиб ўтамиз, август ойида тайванликлар парвозларни соғинганидан «ҳеч қаерга» учаётгани тўғрисида хабар берилганди. Улар самолётга ўтириб, ҳавода айлангач уйга қайтишни бошлаган.
Изоҳ (0)