NASA яқинлашиб келаётган Рождество байрами муносабати билан ўзининг асосий саҳифасига ғаройиб юлдузлар туркуми тасвирланган суратни жойлаштирди, деб хабар беради Hi-Tech.Mail.ru. Сурат Spitzer космик телескопининг бортидан туриб олинган. Унда «Яккашох» юлдузлар туркумидаги бир нечта туманликларга боғлиқ ёрқин осмон жисмларини кўриш мумкин.
Хусусан, олимлар суратдаги пушти ва қизил доғларга эътибор қаратган. Таъкидланишича, улар энг ёш юлдузлардан бўлиб, ғилдирак кегайи ёки қор парчасининг нақши кўринишида шаклланган ва асослари учбурчак шаклида бирлашган (худди арчадек). Айнан шу сабабли космик шаклланиш «Рождество арчаси» ёки «Қор парчалари» деб аталади.
Суратдаги юлдузсимон соҳа ривожланаётган тузилма кўринишида. Олимларнинг ҳисоблашича, уларни янги пайдо бўлган юлдузлар ёки «юлдузларга қарши» деб аташ мумкин. Юлдузлар ёши тахминан 100 мингга тенг бўлиб, бу космос кўламида у қадар катта ҳисобланмайди.
Бундан ташқари, телескоп зич қора Конус туманлигини ҳам тасвирга олишга муваффақ бўлган — унинг «учи»ни суратнинг пастки чап бурчагида кўриш мумкин.
Аввалроқ NASA бунга қадар уларни фақат олимлар кўра олган янги космик суратларни эълон қилганди.
Изоҳ (0)