NASA yaqinlashib kelayotgan Rojdestvo bayrami munosabati bilan o‘zining asosiy sahifasiga g‘aroyib yulduzlar turkumi tasvirlangan suratni joylashtirdi, deb xabar beradi Hi-Tech.Mail.ru. Surat Spitzer kosmik teleskopining bortidan turib olingan. Unda “Yakkashox” yulduzlar turkumidagi bir nechta tumanliklarga bog‘liq yorqin osmon jismlarini ko‘rish mumkin.
Xususan, olimlar suratdagi pushti va qizil dog‘larga e’tibor qaratgan. Ta’kidlanishicha, ular eng yosh yulduzlardan bo‘lib, g‘ildirak kegayi yoki qor parchasining naqshi ko‘rinishida shakllangan va asoslari uchburchak shaklida birlashgan (xuddi archadek). Aynan shu sababli kosmik shakllanish “Rojdestvo archasi” yoki “Qor parchalari” deb ataladi.
Suratdagi yulduzsimon soha rivojlanayotgan tuzilma ko‘rinishida. Olimlarning hisoblashicha, ularni yangi paydo bo‘lgan yulduzlar yoki “yulduzlarga qarshi” deb atash mumkin. Yulduzlar yoshi taxminan 100 mingga teng bo‘lib, bu kosmos ko‘lamida u qadar katta hisoblanmaydi.
Bundan tashqari, teleskop zich qora Konus tumanligini ham tasvirga olishga muvaffaq bo‘lgan — uning “uchi”ni suratning pastki chap burchagida ko‘rish mumkin.
Avvalroq NASA bunga qadar ularni faqat olimlar ko‘ra olgan yangi kosmik suratlarni e’lon qilgandi.
Izoh (0)