2020 йилда афсонавий «Хаббл» телескопи ўзининг 30 йиллигини нишонламоқда. Шу муносабат билан NASA ушбу аппарат ёрдамида олинган суратларни янгилашга қарор қилди, деб хабар беради New Atlas. Суратни янги деб бўлмайди, бироқ уларни бунга қадар фақатгина тадқиқотчи ва олимлар кўра олган холос. Суратлар қайта ишлангач ва илмий ёзувлар олиб ташлангач, интернетда пайдо бўлган.
Кўплаб кадрларда галактикалар, туманликларнинг турли кўринишлари, шунингдек, ғаройиб шаклдаги юлдуз туркумлари тасвирланган.
«Хаббл» телескопи 1990 йил 24 апрелда Discovery STS-31 шаттлида ҳисоб орбитасига олиб чиқилган. Телескоп фаолияти давомида унда 1,4 миллион маротаба кузатишлар амалга оширилган, «Хаббл»да олинган маълумотлар 17 минг илмий мақолаларда фойдаланилган. 2018 йилда NASA «Хаббл» яна 10 йил ишлай олишини маълум қилганди.
Мавзуга доир: «Хаббл» телескопи сиз туғилган кунда нимани кузатган? NASA’нинг янги сервиси буни билиш имкониятини тақдим этади
Изоҳ (0)