Молдованинг янги президенти Майя Санду расман ўз лавозимига киришди, у 24 декабрь куни қасамёд қабул қилди. Бу ҳақда «Интерфакс» хабар берди.
«Молдова Республикасининг гуллаб-яшнаши учун бор кучим ва билимимни сарфлашга, мамлакат конституцияси ва қонунларига амал қилишга, демократияни, инсоннинг асосий ҳуқуқларини, Молдованинг суверенитети, мустақиллиги ва ҳудудий яхлитлигини ҳимоя қилишга қасамёд қиламан», — дея мамлакат конституциясига қўлини қўйган ҳолда Майя Санду қасамёд қилди.
Инаугурация маросими Молдова парламенти ва Конституцион судининг тантанавор қўшма мажлиси доирасида бўлиб ўтди.
15 ноябрь куни бўлиб ўтган сайлов натижаларига кўра, Майя Санду 57,72 фоиз овоз тўплаган, мамлакатнинг собиқ президенти Игор Додон эса 42.28 фоиз овоз олган.
Игор Додон янги президентнинг қасамёд қабул қилиш маросимида иштирок этишдан бош тортган.
Мавзуга доир:
- Молдовадаги сайловларнинг иккинчи турида мухолифат номзоди Майя Санду амалдаги президент Игор Додонни ортда қолдирди
- Молдованинг сайланган президенти Санду Приднестроведан россиялик тинчликпарварларнинг чиқарилишини таклиф этди
- Майя Санду Молдовадаги Россия тинчликпарварларини ЕХҲТнинг ноҳарбий миссиясига алмаштиришни таклиф қилди
Изоҳ (0)