АҚШ Молия вазирлиги Беларусь ҳукуматига қарши санкциялар рўйхати кенгайтирилгани ҳақида эълон қилди, деб хабар бермоқда “Tut.by”.
Санкцияларга Беларусь ички ишлар вазири биринчи ўринбосари Геннадий Казакевич, шунингдек, Марказий сайлов комиссияси, КГБнинг «Альфа» махсус топшириқли бўлинмаси, Минск шаҳар ижроия қўмитаси ҳамда Минск ОМОНи (махсус топшириқли милиция отряди) учради.
Санкциялар тилга олинган шахслар ва тузилмаларнинг «президент сайловларидаги фирибгарликларга ва ундан кейин юз берган тинч демократик норозилик намойишларини зўравонлик билан бостириш»га алоқадорлиги туфайли киритилмоқда.
Октябрь бошида АҚШ саккиз нафар беларуслик расмий шахсга нисбатан санкциялар жорий қилган, улар орасида ўша вақтдаги ички ишлар вазири Юрий Караев ва ИИВнинг бошқа вакиллари, шунингдек, Марказий сайлов комиссияси аъзолари ҳам бор эди.
Беларусда президент сайловлари 9 август куни бўлиб ўтди. Марказий сайлов комиссияси маълумотларига кўра, Александр Лукашенкога сайловчиларнинг 80,1 фоизи овоз берган. Сайлов натижалари эълон қилинганидан кейин мамлакатда оммавий норозилик намойишлари бошланди, улар ҳозир ҳам давом этмоқда.
Мавзуга доир:
- Кўчадаги Беларусь. Намойишларнинг 6-куни дайжести
- Буюк Британия ва Канада Александр Лукашенко ва унинг атрофидаги кишиларга қарши санкция жорий қилди
- Александр Лукашенко намойишчиларга нисбатан ҳукуматнинг жавоби кучайтирилишидан огоҳлантирди
- Беларусда умуммиллий иш ташлаш бошланди. Унга давлат корхоналари, ОТМлар, дўкон ва кафелар ҳам қўшилди
Изоҳ (0)