Ноябрь ойида Ўзбекистон тарихида иккинчи маротаба халқаро молия бозорларида суверен облигациялар жойлаштиргани тўғрисида хабар берилганди. Бироқ унинг ўзига хослиги нафақат еврооблигациялар эканлигида (йилига 3,7 фоизли 555 миллион долларли евробондлар 10 йилга), балки ўзбек сўмида ҳам (йилига 14,5 фоизли 2 триллион сўм) суверен облигацияларни жойлаштирилганида эди. Spot нашри The Wall Street Journal’га таяниб, ўзбек сўмидаги облигацияларга нима сабабдан талаб юқори бўлаётганини изоҳлаб берди.
«Жуда паст фоизли ставкага эга облигациялар оламида инвесторлар камроқ ўрганилган йўлни танлайди», — дея ойдинлик киритади Wall Street Journal.
«Ғоя у ерда маҳаллий валюта бозорини очишга ёрдам беришдан иборат, бироқ ушбу битимлар бозорлар етарли даражада қайноқ бўлганида тузилади», — дея қўшимча қилади у.
Бу, асосан, доллар ва евро каби қаттиқ валюталар ҳисобланади, бироқ ҳукуматлар маҳаллий валютада каттагина суммани ҳам олган, умумий қийматда 30 миллиард долларга яқин. Ўзбек евробондлари билан бирга, Чили песоси, Доминикат песоси, хорват кунаси ва Саудия Арабистони риёллари билан ҳам йирик битимлар имзоланган.
Инвесторларнинг ривожланаётган бозорларга бўлган қизиқиши сўнгги ҳафталарда йил бошидаги инқироз туфайли юзага келган глобал бозордаги нотинчлик пайтида капиталнинг кўп чиқиб кетиши ортидан қайтган.
Capital Economics маълумотларига кўра, облигациялар ва ривожланаётган бозорлар акцияларининг ойлик соф оқими, Индонезия, Ҳиндистон, Жанубий Корея, Таиланд ва Мексикани ҳисобга олганда, сўнгги етти йилдаги максимумга эришган — декабрь ойи бошида 30 миллиард долларга яқин. Соф кириб келиш март охирида қарийб 50 миллиард долларни ташкил этган.
Инвесторларнинг қизиқиши юқори даромад ҳамда кўплаб ривожланаётган бозорлар ўз молиявий аҳволини яхшироқ назорат қила олиши сабаб ўсмоқда.
«Шаклланаётган бозорга эга яна бир нечта саноат мамлакатлари, айниқса, Осиёдаги олдингидек қайта тикланиш етакчиларига айланади. Бироқ уларнинг саноат ва экспорт потенциали эмас, вирусни назорат остида ушлаб туриши муҳим», — дейди Capital Economics’нинг ривожланаётган бозорлар бўйича бош иқтисодчиси Уильям Жексон.
Изоҳ (0)