Қорақалпоғистон Жўқорғи Кенгеси раиси Мурат Камалов Олий Мажлис Сенатининг 18 декабрь куни ўтказилган ялпи мажлисида Нукусдаги Янги йил арчаси учун Тошкент ҳокими Жаҳонгир Ортиқхўжаевга миннатдорчилик билдирди.
«Ҳурматли дўстимиз Ортиқхўжаевга алоҳида раҳмат. Қорақалпоғистонда шундай арча ўрнатдикки, бунақа чиройли арча ҳали Нукусда бўлмаган. Барча, жумладан, ёшлар ҳам у ерда вақтини мароқли ўтказяпти, шу сабабли унга катта раҳмат», — дейди Камалов.
Сенат раиси Танзила Норбоева Қорақалпоғистонни 2020—2023 йилларда комплекс рижовлантириш дастури тасдиқланганини эслатиб ўтган. Унинг сўзларига кўра, минтақага Президент Шавкат Мирзиёевнинг ташрифи вақтида Олий Мажлис юқори палатаси Қорақалпоғистон учун «масъул» этиб тайинланган, Тошкент ҳокими Жаҳонгир Ортиқхўжаевга эса Нукуснинг ривожланишига амалий ёрдам кўрсатиш вазифаси топширилган.
Эслатиб ўтамиз, октябрь бошларида Жаҳонгир Ортиқхўжаев Қорақалпоғистонга бориб, ўз тажрибасини Нукус ҳокими билан бўлишган эди. Кейинроқ Тошкент ҳокими Нукус марказини қайта қуриш лойиҳасини Шавкат Мирзиёевга тақдим этганди.
Мавзуга доир: Жаҳонгир Ортиқхўжаев: «Нукус иккинчи Тошкент бўлади»
Изоҳ (0)