21 декабрь куни Ўзбекистоннинг Россиядаги элчихонасида ташқи ишлар вазири Абдулазиз Комиловга хорижий давлатларнинг қароргоҳи Москвада жойлашган элчилари томонидан ишонч ёрлиқларини топшириш маросими бўлиб ўтди. Бу ҳақда вазирлик матбуот хизмати хабар берди.
Қайд этилишича, Ўзбекистон ташқи ишлар вазирига Нукпо Клеман Кики (Бенин Республикаси), Грэйм Михан (Австралия), Андреас Зинонос (Кипр Республикаси), Нго Дик Ман (Ветнам Социалистик Республикаси), Брайан МакЕлдафф (Ирландия Республикаси), Клеменс Кашуупулва (Намибия Республикаси), Екатерина Нассика (Греция Республикаси), Сиъалеи Аллегра ван Тур (Янги Зеландия), Атанас Кристин (Болгария Республикаси), Эйтвидас Баярунас (Литва Республикаси), Мигахаланде Дураге Ламаванс (Шри-Ланка Демократик Социалистик Республикаси) ва Марк Михилсен (Бельгия Қироллиги) ишонч ёрлиқларини топширди.
Тадбирда сўзлаган нутқида Абдулазиз Комилов элчиларни самимий қутлаб, уларнинг юксак масъулиятли фаолиятида муваффақиятлар тилади.
Тадбир доирасида элчилари ишонч ёрлиқларини топширган мамлакатлар билан кўп қиррали ҳамкорликнинг бугунги ҳолати ва алоқаларни янада ривожлантириш масалалари юзасидан фикр алмашинилди. Сиёсий мулоқот ҳамда савдо, инвестициялар, молия ва туризм соҳаларидаги амалий ҳамкорликни жадаллаштириш, саноатнинг турли жабҳаларида қўшма лойиҳаларни амалга ошириш, маданий-гуманитар алмашинувларни кенгайтириш зарурлиги таъкидланди.
Изоҳ (0)