Илья Свиридов исмли автомобиль блогери ўзининг YouTube’даги канали орқали 865 минг рубль (11,7 минг доллар) турадиган Luxe жамланмали янги Lada Niva’ни тўлиқ таркибий қисмларга ажратиб ташлади.

Кадр: YouTube

Мутахассиснинг таъкидлашича, йўлтанламаснинг туби етарли даражада коррозияга қарши қопланган. Бироқ айрим жойларига умуман материал ҳам ишлатилмаган. Муаммоли зоналар агрегатлар қотириладиган жойда, олд автомобиль рамаси ёнларининг пастки қисмида, шунингдек, фронтал кузов панелида аниқланган. Механик машинада шовқинни сўндириш учун пол қисми кўпик ва мовут билан қопланганини қайд этиб ўтган.

Эшиклардаги пластик қопламни ечиб олган блогер целлофанга дуч келган. Бундан ташқари, анъанавий хомут ёки тортувчи болт ўрнига юкхона атрофидаги симлар оддий изолента билан боғлаб қўйилгани аниқланган. Муҳандис чап қанотни ечиб олганида шноркель ҳаво фильтри билан канализацияга мўлжалланган пластик труба билан қотирилган бўлиб чиқди.

Luxe жамланмасига эга тўлиқ ўлчамли Lada Niva 80 от кучига эга 1,7 литрли бензин двигатель билан жиҳозланган бўлиб, у беш поғонали механик узатмалар қутиси ёрдамида ишлайди.

Аввалроқ YouTube’даги «Сандро гаражида» каналида Lada Vesta машинаси сочиб ташлаш тасвирланган видео пайдо бўлганди.