North American Car and Truck of the Year танловининг экспертлар ҳайъати қисқа рўйхатдан ўрин олган моделлар номини эълон қилди. Асосий мукофотга Осиёнинг учта автомобили — Genesis G80, Hyundai Elantra ва Nissan Sentra курашмоқда, деб хабар беради Motor.
«Шимолий Америкадаги энг яхши утилитар автомобиль» йўналиши бўйича финалга Ford Mustang Mach-E, Genesis GV80 ва Land Rover Defender чиққан, йилнинг энг яхши юк машинасига эса фақат Америка моделлар курашмоқда: Ford F-150, Jeep Gladiator Mojave ва Ram 1500 ТRХ.
Ғолиблар таркибидан автомобиль журналистлари ўрин олган ҳайъат томонидан аниқланади. Танлов 2021 йилнинг бошида тугайди, натижалар эса 11 январь куни эълон қилинади.
Маълумот учун, 2019 йилда Шимолий Американинг энг яхши автомобили номига Corvette Stingray C8 эга бўлганди.
Эслатиб ўтамиз, апрель ойида World Car of the Year (WCОТY) танлови Kia Telluride кроссоверини 2020 йилнинг энг яхши автомобили дея топганди.
Изоҳ (0)