Toyota компанияси 2021 йилда қаттиқ жисмли электр манбаси билан жиҳозланган электромобилининг прототипини тақдим этади, деб хабар беради Motor. Автомобиль бир марта қувватланиш орқали 500 километр йўл босади ва аккумулятор қувватини нолдан 100 фоизга 10 дақиқа ичида қувватлантириш мумкин бўлади.
Қаттиқ ҳолатдаги батарея замонавий литий-ионли аккумуляторларга хос қатор камчиликлардан ҳоли бўлади. Хусусан, бир марта қувватланиш орқали босиб ўтиладиган масофанинг камлиги ва қувватлантиришга кетадиган узоқ вақт. Бундан ташқари, технология электролит эритмадан воз кечгани сабаб ўз-ўзидан ёниб кетиш хавфини камайтириш имконини беради.
Toyota яқин йиллар ичида қаттиқ деталли батареяларга эга электрокарларни сотиш бўйича дунёдаги биринчи автомобиль ишлаб чиқарувчига айланиш ниятида. Автомобилнинг илк тажриба нусхаси 2021 йилдаги Олимпиадада намойиш этишили кутиляпти.
Toyota қаттиқ деталли электролитга эга ток манбасини яратиш бўйича етакчи ҳисобланади — бугунги кунда компания унга боғлиқ технологиялар учун минглаб патентларни қўлга киритлган. Шунингдек, бу каби технология билан Nissan ҳам шуғулланмоқда.
Аввалроқ Япония 2030 йилларнинг ўрталарига бориб бензинли двигателда ҳаракатланадиган янги автомобилларни сотувдан чиқариб ташлаши ҳақида хабар берилганди. Мазкур мораторий Япония бош вазири Йосихиде Сугининг 2050 йилга бориб атмосферага карбонат ангидрид гази чиқишини нолга тушириш бўйича режасининг бир қисми ҳисобланади.
Изоҳ (0)