Toyota’нинг Британиядаги офиси ҳаётини хавф остига қўйиб коронавирусга қарши курашаётган турли соҳа ходимларига бағишлаб GR Yaris моделининг алоҳида «қайноқ» версиясини тақдим этди. Хэтчбек ёрқин рангларга эга бўлган ва унинг олд қисмига тиббий ниқоб чизилган, деб хабар беради Motor.
GR Yaris’ни бўяш ишлари билан Design a Rally Car Livery («Пойга автомобили учун ранглар жамланмасини ўйлаб топ») танлови ғолиби 16 ёшли Элис Гудлифф шуғулланган. «Вирусга қарши» Yaris Монседаги WРC раллисининг финал босқичида тақдим этилган.
Коронавирус пандемия даврида кўзга ташланадиган энг ёрқин атрибут — бу тиббий ниқоб — автомобилнинг олд қисмига чизилган, унинг резиналари эса ён ойналарга тортилган. Том ва қуйруқ қисми ёрқин камалаксимон ранглар жамланмасига эга бўлган — «кенг қамровли дунё» ва тинчлик рамзи. Ён томонларида ҳамшира, ўқитувчи, сотувчи ва полициячининг профили туширилган. Рассомнинг фикрича, ушбу соҳа вакиллари меҳнатининг қадри айниқса пандемия вақтида ортган.
Мактаб ўқувчиси бўлган Гудлифф 2020 йилги Уэльс раллиси бекор қилинганидан «мутлақо ҳайратга» тушганини сўзлаб берган. Айнан шу сабабли ўсмир қиз хэтчбекнинг ён томонига нарцисснинг (наргиз гули) тасвирини туширган — у Уэльснинг расмий рамзларидан бири ҳисобланади.
Уэльс раллисини ҳисоб бўйича 76-маротаба 29 октябрдан 1 ноябрга қадар ўтказиш режалаштирилган эди. Бироқ коронавирус сабаб пойга бекор қилинган. Сўнгги бор ташкилотчилар 1967 йилда бу каби қарорни қабул қилган — ўшанда Уэльсда оқсим касаллиги тарқалган эди.
Изоҳ (0)