Toyota kompaniyasi 2021-yilda qattiq jismli elektr manbasi bilan jihozlangan elektromobilining prototipini taqdim etadi, deb xabar beradi Motor. Avtomobil bir marta quvvatlanish orqali 500 kilometr yo‘l bosadi va akkumulyator quvvatini noldan 100 foizga 10 daqiqa ichida quvvatlantirish mumkin bo‘ladi.
Qattiq holatdagi batareya zamonaviy litiy-ionli akkumulyatorlarga xos qator kamchiliklardan holi bo‘ladi. Xususan, bir marta quvvatlanish orqali bosib o‘tiladigan masofaning kamligi va quvvatlantirishga ketadigan uzoq vaqt. Bundan tashqari, texnologiya elektrolit eritmadan voz kechgani sabab o‘z-o‘zidan yonib ketish xavfini kamaytirish imkonini beradi.
Toyota yaqin yillar ichida qattiq detalli batareyalarga ega elektrokarlarni sotish bo‘yicha dunyodagi birinchi avtomobil ishlab chiqaruvchiga aylanish niyatida. Avtomobilning ilk tajriba nusxasi 2021-yildagi Olimpiadada namoyish etishili kutilyapti.
Toyota qattiq detalli elektrolitga ega tok manbasini yaratish bo‘yicha yetakchi hisoblanadi — bugungi kunda kompaniya unga bog‘liq texnologiyalar uchun minglab patentlarni qo‘lga kiritlgan. Shuningdek, bu kabi texnologiya bilan Nissan ham shug‘ullanmoqda.
Avvalroq Yaponiya 2030-yillarning o‘rtalariga borib benzinli dvigatelda harakatlanadigan yangi avtomobillarni sotuvdan chiqarib tashlashi haqida xabar berilgandi. Mazkur moratoriy Yaponiya bosh vaziri Yosixide Sugining 2050-yilga borib atmosferaga karbonat angidrid gazi chiqishini nolga tushirish bo‘yicha rejasining bir qismi hisoblanadi.
Izoh (0)