Америкалик блогерлар YouTube’даги Judahs Garage канали орқали автомобилни таъмирлашнинг ноодатий усули билан бўлишди. Ролик муаллифлари Chevrolet Corvette C8’нинг шикаст етган эшигини «Доширак»ка ўхшаш лағмон ёрдамида қайта тиклаган.
Блогерлар таъмирлаш жараёни учун асосий материал сифатида тезда тайёр бўладиган қадоқланган қуруқ лағмондан фойдаланган. Элементларни ўзаро ёпиштириш учун видео муаллифлари термоелимдан фойдаланган, шунингдек, керакли рангдаги аэрозоль баллони ёрдамида бўяш ишларини амалга оширган.
Chevrolet Corvette’нинг шикаст етган жойини қайта тиклаш жуда осон кечган. Блогерлар «Доширак» брикетларини термик елим ёрдамида спорткарнинг керакли жойига ёпиштирган. Бўртиб чиқиб турган қуруқ макаронлар пичоқ ёрдамида кесиб ташланган ва унинг излари силлиқланган ҳамда бўёқ сепилган.
Ноодатий таъмирлаш ишлари натижасида блогерлар тезкор тайёрланувчи лапша ёрдамида исталган нарсани ямаш мумкин деган хулосага келган. Бундан ташқари, бу каби материал эркакларга 1,5 минг долларга яқин маблағни тежаш имконини беради.
Изоҳ (0)