TheElec нашри Apple’га эҳтиёт қисмларини етказиб берувчилардан бирига таяниб, компания AirPods Pro Lite шартли номига эга наушникларни яратиш устида иш олиб бораётганини маълум қилди.
Наушниклар силикон «насадка»ли AirPods Pro дизайнига эга бўлиб, у қулоқ каналини тўлиқ ёпади, бироқ қурилма шовқинни сўндирувчи фаол функцияга эга бўлмайди. Шу орқали компания харидорларга анча арзон ёки қиммат ички каналли наушникларни тақдим этиш ниятида, чунки оддий AirPods’ларнинг шакли ҳаммага ҳам тўғри келмайди.
Apple етказиб берувчисининг ҳисоботида ёзилишича, AirPods Pro Lite оддий версиялардан 20 фоиз арзонроқ бўлади. Шу сабабли унинг нархи 249 эмас, балки 119 доллар бўлиши кутилмоқда. У 2021 йилнинг биринчи ярим йиллигида тақдим этилади.
Янги наушниклар олдинги AirPods Pro’дан нимаси билан фарқ қилиши ҳозирча номаълум.
Аввалроқ Apple компанияси ўзининг биринчи тўлиқ ўлчамли наушниги — AirPods Мах’ни тақдим этган эди.
Изоҳ (0)