Қорақалпоғистон Республикаси Кегейли тумани ҳокими ўзгарди. Бу ҳақда Жўқорғи Кенгес матбуот хизматига таяниб, «Kun.uz» хабар берди.
15 декабрь куни халқ депутатлари Кегейли тумани кенгашининг навбатдан ташқари сессияси бўлиб ўтди. Жўқорғи Кенгес раиси Мурат Камалов иштирок этган сессияда ташкилий масала кўрилиб, Давлетбай Утемуратов Кегейли тумани ҳокими лавозимига тайинланди.
Давлетбай Утемуратов бу лавозимда 2016 йил октябридан буён ишлаб келган Муратбай Абдиров ўрнида иш бошлади.
Давлетбай Утемуратов 2010—2019 йилларда Қорақалпоғистоннинг Қораўзак тумани ҳокими лавозимида ишлаган. У Қорақалпоғистон тарихида энг узоқ вақт давомида битта туманга раҳбар бўлган ҳоким ҳисобланади. 2019 йилнинг май ойида Давлетбай Утемуратов Қораўзак тумани ҳокими лавозимидан озод этилиб, унинг ўрнини Роман Жумабоев эгаллаганди.
Мавзуга доир:
Изоҳ (0)