Жанубий Корея барча шаҳар автобуслари бепул Wi-Fi билан жиҳозланган дунёдаги биринчи мамлакатга айланди. Бу ҳақда «Российская газета» хабар берди.
Барча шаҳар автобусларини бепул Wi-Fi билан таъминлаш дастури 2018 йилда йўлга қўйила бошланган бўлиб, 14 декабрь куни дастур тўлиқ амалга оширилган.
Корея Илм-фан ва технология вазирлиги маълумотларига кўра, мамлакат шаҳарлари бўйлаб жами 35 мингта автобус ҳаракатланади. Шулардан 29,1 мингта автобусни Wi-Fi билан таъминлашни марказий ҳукумат ўз бўйнига олган, 5906 та автобусни эса ушбу технология билан маҳаллий ҳокимиятлар жиҳозлаган.
Ҳозиргача ўртача ҳисобда Wi-Fi хизматидан ойига 1228 киши фойдаланган бўлиб, умумий ҳисобда ойига 55,3 гигабайт интернет трафик ҳажмида ишлатилган.
Yonhap агентлигининг маълум қилишича, аҳолиси 51,6 миллионни ташкил қилувчи ушбу мамлакатда 2019 йил май ойидан 2020 йил октябригача автобусларда бепул Wi-Fi хизматидан 420 миллион маротаба фойдаланилган.
Вазирликнинг таъкидлашича, ушбу хизмат аҳолининг кўплаб қатламлари учун мобил интернет нархини пасайтиради. Уч йил давомида аҳолининг умумий иқтисодий фойдаси 22 миллион вон ёки 20 минг долларга баҳоланмоқда.
Мавзуга доир: Нью-Йорк метросининг барча бекатлари мобил алоқа сигнали ва бепул Wi-Fi билан таъминланди
Изоҳ (0)