9-yanvar kuni Nyu-York metrosining shu vaqtgacha tegishli uskunalar bilan ta’minlanmagan eng so‘nggi bekatida mobil aloqa va bepul Wi-Fi paydo bo‘ladi. Shunday qilib, TJournal’ning yozishicha, jahondagi eng yirik metropoliten internet va mobil aloqa tarmog‘i bilan to‘liq qamrab olinadi.
Xabar berishlaricha, eng oxirgi bo‘lib tarmoqqa ulanayotgan bekat — Bruklindagi “Klark Strit”dir. Undan tashqari, hozirda yana to‘rt bekat qayta ta’mirlanayotgan bo‘lib, reja bo‘yicha ishlar yakuniga yetganidan so‘ng, bu bekatlarda ham simsiz tarmoq va mobil aloqadan foydalanish mumkin bo‘ladi.
Loyiha Nyu-York metropoliteni va Transit Wireless kompaniyasining 27 yillik hamkorligi bir qismi bo‘ldi. Xabar berishlaricha, shartnomaning umumiy qiymati 300 million dollarga teng.
Transit Wireless har bir bekatga himoyalangan Wi-Fi tarmog‘i va 911 xizmati bilan shoshilinch ulanish imkonini beruvchi statsionar qurilmalarni o‘rnatib chiqqan. Loyiha 2011-yilda boshlangan bo‘lib, hozirgacha 286 ta bekat qamrab olingan. Endi ularning har birida internetga kirish va qo‘ng‘iroq qilish mumkin.
Doimiy harakatda bo‘lgan Nyu-York aholisi uchun tarmoqqa ulanish yanada qulaylashdi. Bu mamlakatdagi eng band transport tarmog‘i bo‘yicha qarashlarimizni qayta ko‘rib chiqishga asos bo‘ladi.Ma’lumot uchun, O‘zbekistonda yagona hisoblangan Toshkent metropolitenida poyezdlar bekatlar oralig‘idagi ochiq joylar (ko‘priklar)ga chiqqandagina mobil aloqadan foydalanish mumkin. Bekatlarda mobil aloqa tarmog‘i signallari tutilmaydi.Endryu Kuomo, Nyu-York meri
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)