Биткоиннинг нархи тарихда биринчи марта бир бирлик криптовалюта учун 20 минг доллардан ошди. Бу ҳақда Meduza хабар берди.
16 декабрь куни бўлиб ўтган савдоларда биткоин бирданига 4,5 фоизга қимматлаган ва унинг нархи 20 440 долларга етган.
Сўнгги бир йил ичида хатарли активларга умумий қизиқишнинг ортиши фонида биткоиннинг нархи 180 фоизга кўтарилди.
2020 йилнинг охиригача биткоиннинг энг юқори нархи уч йил аввал қайд этилганди. Ўшанда бир бирлик биткоин нархи 19 783 долларни ташкил этганди, шундан сўнг унинг кучли ва узоқ пасайиши кузатилди. Биткоин нархининг барқарор кўтарилиши 2019 йилнинг охирида қайта бошланди.
Изоҳ (0)