Bitkoinning narxi tarixda birinchi marta bir birlik kriptovalyuta uchun 20 ming dollardan oshdi. Bu haqda Meduza xabar berdi.
16-dekabr kuni bo‘lib o‘tgan savdolarda bitkoin birdaniga 4,5 foizga qimmatlagan va uning narxi 20 440 dollarga yetgan.
So‘nggi bir yil ichida xatarli aktivlarga umumiy qiziqishning ortishi fonida bitkoinning narxi 180 foizga ko‘tarildi.
2020-yilning oxirigacha bitkoinning eng yuqori narxi uch yil avval qayd etilgandi. O‘shanda bir birlik bitkoin narxi 19 783 dollarni tashkil etgandi, shundan so‘ng uning kuchli va uzoq pasayishi kuzatildi. Bitkoin narxining barqaror ko‘tarilishi 2019-yilning oxirida qayta boshlandi.
Izoh (0)