Англия Премьер Лигасининг 12-туридан ўрин олган бир қатор ўйинлар 13 декабрь, якшанба куни бўлиб ўтди.
«Ливерпуль» жамоаси Лондонда «Фулҳэм» меҳмони бўлди. Учрашувнинг 25-дақиқасида Бобби Декордова-Рид ўзининг кучли зарбаси билан мезбонларни олдинга олиб чиқди. Бунга меҳмонлар 79-дақиқада Муҳаммад Салоҳнинг пенальтидан урган голи билан жавоб қайтарди. Қолган вақтда ҳисоб ўзгармади.
Шу тариқа Юрген Клопп шогирдлари якка пешқадамга айланиб олиш имкониятини кўкка совурди.
«Арсенал» жамоаси «Бёрнли» меҳмони бўлди. Иккинчи бўлим дебютида «канонирлар» Гранит Жаканинг четлатилишидан кейин бир ўйинчи кам бўлиб қолди. 73-дақиқада «Арсенал» ўз дарвозасидан тўп олиб чиқди: Пьер Эмерик Обамеянг автогол муаллифига айланди. Мазкур гол ўйинда ягоналигини сақлаб қолди.
Ушбу ғалабадан кейин «Бёрнли» (9) 17-ўринга кўтарилди, «Арсенал» (13) эса 15-поғонада бормоқда.
«Лестер» ўз уйида «Брайтон»ни қабул қилди. Жеймс Мэддисоннинг дубли ва Жейми Вардининг голи «тулкилар»га йирик ҳисобдаги ғалабани тақдим этди. «Лестер» очколарини 24 тага етказиб олган ҳолда кучли учликка кирди.
АПЛ
12-тур баҳси
13 декабрь, якшанба
«Фулҳэм» — «Ливерпуль» 1:1
Голлар: 1:0 – 25 Декордова-Рид, 1:1 – 79, пенальти Салоҳ.«Фулҳэм»: Ареоля, Андерсен, Адарабиоё, Айна, Робинсон, Лофтус-Чик (Камара, 74), Лемина (Рид, 80), Лукман (Браен, 88), Замбо-Ангисса, Кавалейру, Декордова-Рид.
«Ливерпуль»: Алиссон, Александер-Арнольд (Уильямс, 68), Робертсон, Матип (Минамино, 46), Фабиньо, Вейналдум, Ҳендерсон, Салоҳ (Ориги, 84), Жонс, Мане, Фирмино.
Огоҳлантиришлар: Андерсен (20), Жонс (31), Лемина (46), Лукман (75).
«Арсенал» — «Бёрнли» 0:1
Гол: 0:1 – 73, автогол Обамеянг.«Арсенал»: Лено, Бельерин (Мэйтленд-Найлз, 74), Тирни, Ҳолдинг, Габриэль, Жака, Сака, ан-Ненни, Виллиан (Нкетиа, 82), Обамеянг, Ляказетт (Себальос, 60).
«Бёрнли»: Поуп, Ми, Лоутон, Тарковски, Тэйлор, Вествуд, Брэйди, Браунҳилл, Макнил, Родригес (Барнс, 59), Вуд (Видра, 70).
Огоҳлантиришлар: Брэйди (33), Бельерин (71), ан-Ненни (73).
Четлатиш: Жака (58).
«Лестер» — «Брайтон» 3:0
Голлар: 1:0 – 27 Мэддисон, 2:0 – 41 Варди, 3:0 – 44 Мэддисон.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)