Angliya Premyer Ligasining 12-turidan o‘rin olgan bir qator o‘yinlar 13-dekabr, yakshanba kuni bo‘lib o‘tdi.
“Liverpul” jamoasi Londonda “Fulhem” mehmoni bo‘ldi. Uchrashuvning 25-daqiqasida Bobbi Dekordova-Rid o‘zining kuchli zarbasi bilan mezbonlarni oldinga olib chiqdi. Bunga mehmonlar 79-daqiqada Muhammad Salohning penaltidan urgan goli bilan javob qaytardi. Qolgan vaqtda hisob o‘zgarmadi.
Shu tariqa Yurgen Klopp shogirdlari yakka peshqadamga aylanib olish imkoniyatini ko‘kka sovurdi.
“Arsenal” jamoasi “Byornli” mehmoni bo‘ldi. Ikkinchi bo‘lim debyutida “kanonirlar” Granit Jakaning chetlatilishidan keyin bir o‘yinchi kam bo‘lib qoldi. 73-daqiqada “Arsenal” o‘z darvozasidan to‘p olib chiqdi: Pyer Emerik Obameyang avtogol muallifiga aylandi. Mazkur gol o‘yinda yagonaligini saqlab qoldi.
Ushbu g‘alabadan keyin “Byornli” (9) 17-o‘ringa ko‘tarildi, “Arsenal” (13) esa 15-pog‘onada bormoqda.
“Lester” o‘z uyida “Brayton”ni qabul qildi. Jeyms Meddisonning dubli va Jeymi Vardining goli “tulkilar”ga yirik hisobdagi g‘alabani taqdim etdi. “Lester” ochkolarini 24 taga yetkazib olgan holda kuchli uchlikka kirdi.
APL
12-tur bahsi
13-dekabr, yakshanba
“Fulhem” — “Liverpul” 1:1
Gollar: 1:0 – 25 Dekordova-Rid, 1:1 – 79, penalti Saloh.“Fulhem”: Areolya, Andersen, Adarabioyo, Ayna, Robinson, Loftus-Chik (Kamara, 74), Lemina (Rid, 80), Lukman (Brayen, 88), Zambo-Angissa, Kavaleyru, Dekordova-Rid.
“Liverpul”: Alisson, Aleksander-Arnold (Uilyams, 68), Robertson, Matip (Minamino, 46), Fabinyo, Veynaldum, Henderson, Saloh (Origi, 84), Jons, Mane, Firmino.
Ogohlantirishlar: Andersen (20), Jons (31), Lemina (46), Lukman (75).
“Arsenal” — “Byornli” 0:1
Gol: 0:1 – 73, avtogol Obameyang.“Arsenal”: Leno, Belyerin (Meytlend-Naylz, 74), Tirni, Holding, Gabriel, Jaka, Saka, an-Nenni, Villian (Nketia, 82), Obameyang, Lyakazett (Sebalyos, 60).
“Byornli”: Poup, Mi, Louton, Tarkovski, Teylor, Vestvud, Breydi, Braunhill, Maknil, Rodriges (Barns, 59), Vud (Vidra, 70).
Ogohlantirishlar: Breydi (33), Belyerin (71), an-Nenni (73).
Chetlatish: Jaka (58).
“Lester” — “Brayton” 3:0
Gollar: 1:0 – 27 Meddison, 2:0 – 41 Vardi, 3:0 – 44 Meddison.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)