Футбол бўйича Италия А Сериясининг 11-туридан ўрин олган бир қатор учрашувлар 13 декабрь, якшанба куни бўлиб ўтди.
«Наполи» ўз майдонида «Сампдория»ни қабул қилди. Дастлаб меҳмонлар Якуб Янктонинг 20-дақиқадаги голи эвазига олдинга ўтиб олди. Бунга майдон эгалари иккинчи бўлимда Ирвинг Лосано ва Андреа Петаньянинг голлари билан жавоб қайтарди.
«Рома» эса «Болонья» меҳмони бўлди. Римликлар сафида Эдин Жеко, Лоренцо Пеллегрини, Жордан Верету ва Генрих Мхитарян муаллиф бўлган бўлса, яна бир тўпни Андреа Поли ўз дарвозасига жойлаб қўйди. Мезбонлар бунга Брайан Кристантенинг автоголи билан жавоб қайтарди.
«Аталанта» жамоаси ўз уйида «Фиорентина»ни қабул қилди. Робин Госенс, Руслан Малиновский ва Рафаэл Толоининг голлари бергамоликларга йирик ҳисобдаги ғалабани тақдим этди.
Ушбу натижалардан кейин «Наполи» 23 очко билан 3-ўринга кўтарилди, «Рома» (21) 5-ўринда бораётган бўлса, «Аталанта» (17) 8-поғонага жойлашган.
А Серия
11-тур баҳслари
13 декабрь, якшанба
«Наполи» — «Сампдория» 2:1
Голлар: 0:1 – 20 Янкто, 1:1 – 53 Лосано, 2:1 – 68 Петанья.«Наполи»: Мерет, Ди Лоренцо, Манолас, Гулям (Мариу Руй, 59), Кулибали, Фабиан Руис (Петанья, 46), Зелиньски (Лоботка, 77), Политано (Лосано, 46), Демме (Бакаёко, 59), Инсинье, Мертенс.
«Сампдория»: Аудеро, Ferrari, Аужелло, Ёшида, Колли, Кандрева, Торсбю, Янкто (Дамсгор, 79), Экдал, Верре (Рамирес, 64), Куальярелла.
Огоҳлантиришлар: Торсбю (38), Экдал (52), Колли (82), Ди Лоренцо (84), Инсинье (90), Рамирес (90), Мариу Руй (90).
«Болонья» — «Рома» 1:5
Голлар: 0:1 – 5, автогол Поли, 0:2 – 10 Жеко, 0:3 – 15 Пеллегрини, 1:3 – 24, автогол Кристанте, 1:4 – 35 Верету, 1:5 – 44 Мхитарян.«Болонья»: Раваля, Томиясу, Ларангейра, де Сильвестри, Мбае (Пас, 46), Сориано (Балдурссон, 69), Поли (Медель, 46), Сванберг (Домингес, 46), Винято (Палюка, 78), Паласио, Барроу.
«Рома»: Лопес, Карсдорп (Калафёри, 90), Кумбула (Смоллинг, 67), Рожер, Спинаццола, Вильяр (Диавара, 90), Кристанте, Мхитарян, Пеллегрини, Верету (Карлес Перес, 82), Жеко (Майораль, 81).
Огоҳлантиришлар: Верету (43), Рожер (49), Сориано (53), Винято (62), Балдурссон (78), Домингес (89).
«Аталанта» — «Фиорентина» 3:0
Голлар: 1:0 – 44 Госенс, 2:0 – 55 Малиновский, 3:0 – 63 Толои.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)