Вазирлар Маҳкамасининг «Қорақалпоғистонда профессионал футболни ривожлантириш, «Арал» футбол жамоасини қўллаб-қувватлаш, унинг моддий-техник базасини мустаҳкамлаш ҳамда кадрлар салоҳиятини ошириш чора-тадбирлари тўғрисида»ги қарор лойиҳаси муҳокамага қўйилди.
Қарор лойиҳасида «Арал» футбол клубининг Суперлига 2021 йилги мавсумида истисно тариқасида иштирок этиши кўзда тутилган.
Мутасаддиларга 2021 йил давомида клубнинг моддий-техник базасини яратиш, уни барча зарурий воситалар билан таъминлаш вазифалари юклатилиши белгиланган.
Унга кўра Қорақалпоғистон Республикаси Вазирлар Кенгашига қуйидаги вазифалар юклатилади:
- Икки ой муддатда Ўзбекистон давлат жисмоний тарбия ва спорт университети Нукус филиали балансидаги Нукус шаҳри, Ҳурлиман қиз бақси кўчасида жойлашган Марказий «Турон» стадионини реконструкция қилиш юзасидан лойиҳа-смета ҳужжатларини тайёрлаш ва Вазирлар Маҳкамасига киритиш;
- 2021 йилдан бошлаб «Арал» футбол жамоасини ҳар йили тасдиқланган харажатлар смета ҳужжатларига мувофиқ зарур бўлган маблағлар билан таъминлаш;
- «Арал» футбол клубини 1 дона Yutong автобуси (44 ўринлик) ва 1 дона Mercedes-Benz Tourismo автобуси (51 ўринлик) билан таъминлаш ва бошқа бир қатор вазифалар...
Эслатиб ўтамиз, Суперлигада 13-ўринни эгаллаган «Андижон» жамоаси Про-Лиганинг иккинчи жамоаси — «Нефтчи» билан ўтиш ўйинида иштирок этади. Агар Суперлига 16 та жамоадан иборат мусобақага айлантирилса, мазкур жамоаларнинг иккиси ҳам Суперлигада ўйнаши мумкин бўлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)