Ўзбекистондаги бозорларда мандарин нархи қанча?

Сўнгги вақтларда бозорлардаги нарх-наво қимматлиги, хусусан, мандарин нархларининг ошиб кетиши кўплаб муҳокамаларга сабаб бўлмоқда. Ўзбекистон истеъмолчилар ҳуқуқларини ҳимоя қилиш жамиятлари федерацияси нарх-навонинг ошиб кетиши борасида мониторинг ишларини олиб борди.

Хусусан, биргина мандарин нархлари юзасидан жойларда кузатув ишлари олиб борилган. Кузатув натижаларига кўра, Тошкент шаҳрида катта мандарин — 20-29 минг сўм, кичиги 45-60 минг сўмдан, Тошкент вилоятида катта мандарин 20 минг сўм, кичиги 45 минг сўмгача сотилаётгани аниқланган.

Ўзбекистоннинг қолган ҳудудларида эса мандарин нархлари қуйидагича:

• Сирдарё вилояти: 18-20 минг, 40-43 минг сўмгача;
• Жиззах вилояти: 10-15 минг, 40-45 минг сўмгача;
• Самарқанд вилояти: 15-20 минг, 45-50 минг сўмгача;
• Фарғона вилояти: 15-20 минг, 45-50 минг сўмгача;
• Наманган вилояти: 15-18 минг, 48-50 минг сўмгача;
• Андижон вилояти: 25 минг, 45 минг сўмгача;
• Қашқадарё вилояти: 9-10 минг, 45-50 минг сўмгача;
• Сурхондарё вилояти: 15 минг, 45-50 минг сўмгача;
• Бухоро вилояти: 13-15 минг, 50-55 минг сўмгача;
• Навоий вилояти: 15-20 минг, 45-55 минг сўмгача;
• Хоразм вилояти: 15 минг, 40 минг сўмгача;
• Қорақалпоғистон: 15-20 минг, 45-55 минг сўмгача.