Ижтимоий тармоқларда мамлакат бўйлаб бола ўғрилари пайдо бўлгани ҳақидаги хабарлар кенг тарқалди. Ўзбекистон Ички ишлар вазирлиги бундай хабарлар юзасидан изоҳ берди.
Қайд этилишича, ушбу маълумотлар ҳақиқатдан йироқ. Шунингдек, мамлакат бўйлаб ҳаракатланиб юрган ва вояга етмаганларга қизиқиш билдирувчи жиноий гуруҳлар пайдо бўлганлиги ҳақидаги хабарларда ҳам асос йўқ.
«ИИВ асоссиз маълумотларни тарқатиб, ваҳима уйғотаётган кимсаларнинг шахсларини аниқлаш бўйича чора кўрмоқда.
Ҳурматли фуқаролар, сиздан миш-мишлардан келиб чиққан асоссиз маълумотларни тарқатмасликни сўраймиз. Ваҳима ва миш-мишлар манбайи бўлиб қолманг», — дейилади ИИВ ахборот хизмати хабарида.
Агарда фуқароларда бирор-бир маълумот бўлса, Ички ишлар органлари билан боғланиб, уни аниқлаштириб олиш таъкидлаб ўтилган.
Аввалроқ Андижонда 3 нафар мактаб ўқувчисини алдаб, уларнинг зирагини ечиб олган аёл қўлга олингани ҳақида хабар берилганди.
Изоҳ (0)