Ижтимоий тармоқларда Жиззахда йўл-патруль хизмати ходими хизмат автомобилида йўл қоидани бузгани акс этган видео тарқалди. Ички ишлар вазирлиги Йўл ҳаракати хавфсизлиги бош бошқармаси мазкур ҳолат бўйича маълумот берди.
Видеода Жиззах шаҳрида вилоят ИИБ ЙҲХБга тегишли бўлган 25 231 VSF давлат рақам белгили Lacetti махсус хизмат автомашинаси ҳайдовчиси йўл ҳаракати қоидаларининг 3-бандида белгиланган талабларни бузган ҳолда, яъни пиёдалар ўтиш жойидан олдин чизилган 1.1 йўл ётиқ чизиғини босиб ҳаракатланганлиги ҳамда ўнг томонга бурилиш вақтида қоидаларнинг 45-бандида белгиланган ўнгга бурилиш талабларни бузиб ҳаракатлангани акс этган.
ЙҲХББ томонидан маълум қилинишича, ҳолат ўрганиб чиқилган ва Lacetti хизмат автомашинаси бириктирилган ҳайдовчи ходимга нисбатан белгиланган тартибда чора кўрилган.
Изоҳ (0)