O‘zbekiston bo‘ylab bola o‘g‘rilari paydo bo‘lgani haqidagi xabarlarga izoh berildi

Ijtimoiy tarmoqlarda mamlakat bo‘ylab bola o‘g‘rilari paydo bo‘lgani haqidagi xabarlar keng tarqaldi. O‘zbekiston Ichki ishlar vazirligi bunday xabarlar yuzasidan izoh berdi.

Qayd etilishicha, ushbu ma’lumotlar haqiqatdan yiroq. Shuningdek, mamlakat bo‘ylab harakatlanib yurgan va voyaga yetmaganlarga qiziqish bildiruvchi jinoiy guruhlar paydo bo‘lganligi haqidagi xabarlarda ham asos yo‘q.

“IIV asossiz ma’lumotlarni tarqatib, vahima uyg‘otayotgan kimsalarning shaxslarini aniqlash bo‘yicha chora ko‘rmoqda.

Hurmatli fuqarolar, sizdan mish-mishlardan kelib chiqqan asossiz ma’lumotlarni tarqatmaslikni so‘raymiz. Vahima va mish-mishlar manbayi bo‘lib qolmang”, — deyiladi IIV axborot xizmati xabarida.

Agarda fuqarolarda biror-bir ma’lumot bo‘lsa, Ichki ishlar organlari bilan bog‘lanib, uni aniqlashtirib olish ta’kidlab o‘tilgan.

Avvalroq Andijonda 3 nafar maktab o‘quvchisini aldab, ularning ziragini yechib olgan ayol qo‘lga olingani haqida xabar berilgandi.