Америкалик фаол ва ҳайкалтарош Лорен Хелсининг ҳаёти тасвирланган фильм кўзойнаклар ёрдамида тасвирга олинди, деб хабар беради Hi-Tech.Mail.ru.
Видео у қадар катта эмас — тўрт дақиқа давом этади. Унда воқеаларни тасаввурни ўзгартириб юборадиган ҳолатлар деб бўлмайди: бу худди қиз ва унинг жамоасини кундалик ҳаётидан, муҳтожларга ёрдам кўрсатиши ва турли санъат асарларини яратиш жараёнларидан репортажга ўхшайди.
Ушбу ҳолатда фильмдаги аниқ бирор ҳодиса эмас, балки у қандай суратга олингани қизиқ. Барча видеолар Snapchat Spectacles 3 смарт-кўзойнаклари ёрдамида тасвирга олинган. Модель бир нечта камерага, тўртта микрофонга эга, шунингдек, 3D ва қўшимча реалликни қўллаб-қувватлайди. Видео ёки фото телефон билан симсиз тармоқ орқали синхронлашади, шу сабаб исталган тасвирга 3D-эффектлар жамланмаси ёрдамида ишлов бериш мумкин. Кўзойнак гардиши зангламайдиган пўлатдан ишланган.
Шу билан бирга, фильмда АR-элементларига кўп эътибор қаратилган: уларни энг бошида ва энг охирида, Хелси кўча бўйлаб ҳаракатланганида кўриш мумкин. Бу ноодатий кўринишга эга. 3D-эффектлар ёрдамида атрофдаги макон қанчалик ўзгарганини — фантастик деталлар, шарлар ва чизиқлар пайдо бўлган.
Аввалроқ Samsung компанияси Galaxy S20 ёрдамида 8К фильм суратга олиши маълум бўлганди.
Изоҳ (0)