Bloomberg нашри Apple’нинг келажакдаги компьютерларига бағишланган материални эълон қилди. Компания 2021 йилдан бошлаб ўзининг янги процессорларида ишлайдиган MacBook Pro ва iMac’ларни тақдим этишни бошлайди. Ноутбук ва моноблок Intel’нинг профессионал вазифаларни бажаришга мўлжалланган ўртача нархли сегментидаги моделларини алмаштира олади.
2021 йилда Apple Mac Pro учун 32 ядроли процессорни тақдим этади, у графика ва махсус эффектлар билан ишлашга, кенг ҳажмдаги маълумотларни қайта ишлаш каби мураккаб вазифаларни бажаришга қодир. Bloomberg журналистининг сўзларига кўра, у Intel’нинг ҳар қандай процессоридан кучли бўлади.
Шу йилнинг баҳорида Apple ўзи томонидан ишлаб чиқарилган М1 процессорида ишловчи компьютерлар линейкасини тақдим этганди. Фаол совутиш тизимига эга бўлмаган энг арзон MacBook Air’ни ҳам сўнгги авлод Intel Core i7 ноутбуклари билан таққослаш мумкин.
Apple нафақат Intel процессорлари ва компьютерларидан воз кечмоқда, балки ARM архитектурасига қайтаяпти. Бу эса бир неча йил давом этади, чунки дастурчилар янги чипларга мос дастурларни ёзиши керак.
Аввалроқ Apple иккита USB 4 порти, жуда кучли процессор ва графикага эга М1 платформасидаги MacBook Pro 13 тақдим этилгани тўғрисида хабар берилганди.
Изоҳ (0)