Чемпионлар Лигаси 1/8 финалига йўл олган барча жамоа номи маълум бўлди

Футбол бўйича Европа Чемпионлар Лигасининг гуруҳ босқич ўйинлари ортда қолди ва 1/8 финалга йўл олган барча жамоа номи маълум бўлди.

Плей-офф босқичига йўл олган жамоалар билан танишинг:

Биринчи ўринни қўлга киритган жамоалар: «Бавария» (А гуруҳи), «Реал» (B), «Манчестер Сити» (С), «Ливерпуль» (D), «Челси» (E), «Боруссия Д» (F), «Ювентус» (G), ПСЖ (H).

Иккинчи ўринни билан плей-оффга чиққан клублар: «Атлетико» (А), «Боруссия М» (B), «Порту» (С), «Аталанта» (D), «Севилья» (E), «Лацио» (F), «Барселона» (G), «Лейпциг» (H).

Мусобақанинг 1/8 финалига 14 декабрь, душанба куни қуръа ташланади. Унга кўра, биринчи саватдан биринчи ўриндаги жамоалар ўрин олса, 2-поғонадаги клублар иккинчи саватда бўлади. 1/8 финалда бир гуруҳдан чиққан жамоалар ва бир мамлакат клублари ўзаро тўқнаш келмайди.

1/8 финалнинг дастлабки ўйинлари 9-10 февраль кунлари ўтказилади, жавоб ўйинлари эса 16-17 март кунлари бўлиб ўтади.