Эрта тонгдан иш ёки ўқишга шошганда, нонушта тайёрлаш учун ҳар ким ҳам кўп вақт сарфлагиси келмайди, албатта. Аммо нонушта ўз ўрнида фойдали ҳамда тезкор бўлиши ҳам керак. Қуйидаги уч рецепт асосида тайёрланадиган нонушта учун таомлар айнан шундан хусусиятларга эга.
Юмшоқ оладьилар
Ушбу оқсилга бой таом нафақат тез тайёр бўлади, балки тана учун ҳам жуда фойдалидир. Юмшоққина оладьилар оиланинг катта-ю кичигига манзур келиши шубҳасиз.
Керакли маҳсулотлар:
- ½ стакан сули ёрмаси;
- ½ стакан ёғсиз творог;
- 2 дона тухум;
Барча маҳсулот блендер ёрдамида аралаштирилади. Товада оз-оздан пишириб олинади. Мураббо ёки мевалар ёрдамида безатилиб, дастурхонга тортилади.
Сальса соусида тухум
Соғлом нонушта эвазига вазнини назорат қилишни истовчилар учун ушбу рецепт айни муддао. Бунинг учун уйқудан 15 дақиқа эртароқ уйғониш тавсия этилади.
Керакли маҳсулотлар:
- 400 грамм мол ёки курка гўшти қиймаси;
- Сальса соуси;
- 5-6 дона тухум.
Зайтун ёғида қийма гўшти 5-7 дақиқа қовуриб олинади, устидан сальса соуси қўшилади. 3-5 дақиқада қайнаб чиққанидан сўнг тухумлар чақилиб, димланади. Таом устига кўкатлар сепиб, иссиқлигича истеъмол қилинади. Ёқимли иштаҳа!
Бодомли «кето-вафли»
Парҳез ёки соғлом турмуш тарзига риоя қилганлар учун фойдали рецепт. Кам маҳсулотлар билан ҳам нонуштага ажойиб егулик тайёрлаш мумкин.
Керакли маҳсулотлар:
- 1 дона тухум;
- ½ моцарелла пишлоғи;
- 1 ош қошиқ аччиқ бодом уни.
Тухум яхшилаб кўпиртирилади. Устидан бодом уни ва қирғичдан ўтказилган пишлоқ қўшилади. Олдиндан вафли қолипига ёғ сурилиб, қиздирилади. Аввал қолипга пишлоқ, сўнгра аралашма, яна устидан пишлоқ солинади. Сўнгра қолип қопқоғи ёпилади, шунда вафлилар қарсилдоқ бўлиб чиқади. Тайёр бўлганидан сўнг устидан шоколадли сироп ёки мурабболар билан безак бериш мумкин.
Изоҳ (0)