Лаваш хамири ва товуқ гўшти ёрдамида ниҳоятда содда услубда мазали «мини рулет»лар тайёрлаймиз. Мазаси оғизда қолишига шубҳа йўқ.
Керакли маҳсулотлар:
- Лаваш хамири − 2 дона;
- Товуқ филеси − 350 грамм;
- Пиёз − 2 дона;
- Булғор қалампири − 1 дона;
- Тухум − 1 дона сариғи;
- Майонез − 4 ош қошиқ;
- Кунжу, ўсимлик ёғи ва туз.
Пиёз тозаланиб, майда тўғралади.
Товуқ гўшти бироз узунчоқ бўлакларга бўлинади.
Товада қизитилган ёғда аввал пиёз қовурилади. Устидан товуқ гўшти солинади. Туз, зираворлар ва 2 ош қошиқ майонез қўшилади. Бир неча дақиқага димланиб, сўнг олов ўчирилади.
«Начинка» тезроқ совиши учун идишга солинади. Устидан булғор қалампири тўртбурчак шаклда тўғралиб, аралаштирилади. Лаваш хамири бўлакларга бўлиниб, юзасига майонез сурилади. Устидан «начинка» солиниб, рулет шаклида ўралади.
Рулетлар устига тухум сариғи сурилиб, кунжут уруғлари сепилади. Тайёр бўлган рулетлар 5-10 дақиқага печга қўйилади.
«Мини рулет»лар иссиқлигича дастурхонга тортилади. Ёқимли иштаҳа!
Изоҳ (0)