Таҳлилларга кўра, 2019 йилда чақалоғини сотмоқчи бўлган аёлларнинг 75 фоизи ҳудудий оилавий поликлиникалар рўйхатидан ўтмаган. Бу ҳақда 4 декабрь куни ўтказилган Одам савдоси ва мажбурий меҳнатга қарши курашиш Миллий комиссиясининг навбатдаги йиғилишида маълум қилинди, дея хабар бермоқда «Дарё» мухбири.
Олий Мажлис Сенати раиси Танзила Норбоеванинг таъкидлашича, чақалоқ савдоси жиноятларида тиббиёт ходимлари ҳам ўзларининг ғайриқонуний ҳаракатлари билан иштирок этишмоқда.
«2019 йилда чақалоқ савдоси жиноятларининг 12,2 фоизи тиббиёт ходимлари воситачилигида амалга оширилган. Тергов ҳаракатлари давомида туғруқхона муассасалари шифокорлари томонидан жиноий мақсадларда аёлнинг ҳомиладорлигини яшириш, қалбаки ҳужжатлар тайёрлаш, фарзандини ўлди деб сохталаштириш билан боғлиқ қўшимча жиноятлар ҳам аниқланмоқда», — деди комиссия раиси.
Изоҳ (0)