Ўзбекистоннинг Истанбул шаҳридаги консулхонасига янги раҳбар тайинланди. «Дунё» ААнинг хабар беришича, ушбу лавозимни Амирсаид Аъзамхўжаев эгаллади ва у ўз вазифасини бажаришга киришди.
Ўзбекистон элчихонаси хабарига кўра, Амирсаид Аъзамхўжаев бош консулхона раҳбари сифатида Туркия Ташқи ишлар вазирлигининг консуллик экзекватурасини олган.
Амирсаид Аъзамхўжаев 1985 йилда Тошкент шаҳрида туғилган. Тайинловга қадар Ўзбекистон Ташқи ишлар вазирлиги консуллик-ҳуқуқий департаментида ва Истанбулда консул бўлиб ишлаган.
Изоҳ (0)