Футболчиларнинг асосий даромад манбайи, албатта, уларнинг спорт шартномаларидир. Бундан ташқари чарм тўп усталарининг машҳурлиги уларнинг реклама шартномаларидаги иштирокини ҳам таъминлайди. Ўз навбатида бу уларни дунёнинг энг бой одамлари қаторига қўшади. Қуйида 2020 йилда (Forbes маълумотларига кўра) энг кўп даромад топган футболчилар ҳақида ҳикоя қиламиз.
Давид де Хеа («Манчестер Юнайтед», 27 миллион доллар)
2011 йилдан бери «Манчестер Юнайтед» шарафини ҳимоя қилиб келаётган Испания терма жамоаси посбонининг 2020 йилдаги даромади 27 миллион долларни ташкил қилди. Шунинг 23 миллиони унинг бир йиллик маошига тўғри келади. Бундан ташқари у турли бонуслар ва реклама шартномаларидан ҳам қўшимча даромад кўради.
Роберт Левандовски («Бавария», 28 миллион доллар)
«Бавария» ва Польша терма жамоасининг етакчиси Левандовски ҳам анча фаол бўлиб, Мюнхен клубидаги маошидан ташқари қатор рекламаларида иштирок этади. Шунингдек, Левандовски кўплаб жаҳон брендларининг юзи ҳисобланади.
Мавзуга доир: Қимматбаҳо уйлар, машиналар, голф ва реклама шартномалари. «Қизил машина» «мотори» Роберт Левандовски қандай ҳаёт кечиради?
Уэльслик футболчининг йиллик даромади 29 миллион долларга тенг бўлди. Трансфер ҳуқуқи «Реал»га тегишли бўлган «Тоттенҳэм» вингери Nissan ва Adidas компаниялари билан шартномаларга эга. Бу эса уни дунёнинг энг бой футболчилари қаторига қўшади.
Антуан Гризманн («Барселона», 33 миллион доллар)
«Атлетико» сафидаги ёрқин ўйинларидан кейин «Барселона»га йўл олган Гризманнинг каталон клубидаги ўртача (имзоланган шартномага кўра, Гризманн «Барселона»даги дастлабки икки мавсумида 18 миллион, кейингиларида эса 21, 23, 25 миллион доллар маош олади) 21 миллион долларни ташкил қилади. Бонус ва реклама шартномалари эса унинг йиллик даромадини сезиларли даражада оширади.
Пол Погба («Манчестер Юнайтед» 34 миллион доллар)
«Манчестер Юнайтед» сафида кутилган ўйинни намойиш эта олмаётган Погба ўзига хос соч турмакларини қилиш учун етарли (ортиқча) маблағга эга. Унинг йиллик даромади нақ 34 миллион «кўкат»ни ташкил қилади.
Муҳаммад Салоҳ («Ливерпуль», 37 миллион доллар)
«Ливерпуль» юлдузи Муҳаммаднинг 2020 йилдаги даромади 37 миллион долларга етди. Албатта, бунинг катта қисми реклама шартномалари, бонус ва фотосессияларга тўғри келади.
Килиан Мбаппе (ПСЖ, 51 миллион доллар)
Мбаппенинг ПСЖдаги бир йиллик маоши 22 миллион долларни ташкил қилади. Шунингдек, у кўплаб дунёга машҳур брендларнинг рекламаларида фаол қатнашишни умуман канда қилмайди. Бунга унинг Nike ва Hublot соатларини ишлаб чиқарадиган компаниялар билан тузган шартномалари яққол мисол бўла олади.
Мавзуга доир: Ижарадаги уй, машиналар, француз гўзали ва миллионлаб даромад. Килиан Мбаппе қандай ҳаёт кечиради?
Юқоридаги футболчиларнинг даромади билан таққослаганда, бу ерда фарқ жуда катта. Бразилияликнинг ПСЖдаги маошига (йилига 39 миллион доллар) исталган футболчи фақат ҳавас қилиши мумкин. Бундан ташқари, у ҳеч қайси реклама берувчининг таклифини рад этмайди. Шу тариқа унинг 2020 йилдаги даромади 96 миллион долларга етди.
Мавзуга доир: Ҳашаматли уйлар, самолёт, вертолёт ва машиналар. Неймар миллионларини нималарга сарфлайди?
2016 ва 2017 йилларда Forbes Криштиану Роналдуни дунёдаги энг кўп маош олувчи футболчи деб топганди. Тўғри, ҳозир у позициясини бироз «бой берди». Аммо Криш пул етишмаслиги ҳақида умуман ўйламаса ҳам бўлади. Чунки футболчилар орасидаги илк миллиардер ва Instagram’нинг энг машҳур одами «Ювентус»даги маошидан ташқари, дунёнинг энг машҳур брендлари билан шартномалар ва кўплаб ўз бизнесларига эга.
Мавзуга доир: Bugatti, Ferrari, Lamborghini ва Rolls-Royce. Криштиану Роналдунинг гаражига саёҳат (фото)
«Барселона»даги маош ва, албатта, реклама шартномалари ҳамда бизнеслар Лионель Мессига азалий рақиби Криштианудан устун келишига имкон берди. Леонинг йиллик даромади 126 миллион долларни ташкил қилди. Бу эса уни дунёнинг энг кўп даромад топадиган футболчига айлантирди.
Изоҳ (0)