Футбол бўйича Англия чемпионатининг 11-турида «Манчестер Юнайтед» 5 декабрь, шанба куни «Вест Ҳэм» меҳмони бўлди. Дастлаб ўз дарвозасидан тўп олиб чиққан манчестерликлар якунда 3:1 ҳисобида зафар қучди.
Шу тариқа «Манчестер Юнайтед» Премьер Лига тарихида ҳисобда ортда бораётган учрашувларда 385 очко тўплашга муваффақ бўлди. Бу АПЛ тарихидаги (мусобақага 1992 йилда асос солинган) энг яхши натижа ҳисобланади.
«Манчестер Юнайтед» иродали очколар (ҳисобда ортда бориб, якунда очкога эга бўлиш) қўлга киритиш борасида «Тоттенҳэм»нинг (383 очко) рекордини янгилади. Кейинги ўринларда «Арсенал» (356), «Ливерпуль» (336) ва «Челси» (332) жамоалари бормоқда.
Шунингдек, «қизил иблислар» АПЛ доирасида кетма-кет 9 та сафар ўйинида икки ва ундан ортиқ гол урган сўнгги 19 йил ичидаги илк жамоага айланди. 2001 йилда «Лидс» ушбу натижани қайд этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)