«Манчестер Сити» ҳужумкор ярим ҳимоячиси Раҳим Стерлинг футбол бўйича Англия Премьер Лигаси 11-тури доирасида «Фулҳэм»га қарши кечган баҳсда (2:0) пенальти ишлади.
Учрашувнинг 25-дақиқасида ҳимоячи Ёаким Андерсон ўз жарима майдони ичида 25 ёшли футболчини тўхтатиб қолди. Учрашув бош ҳаками Жонатан Мосс 11 метрлик нуқтани кўрсатди ва уни Кевин де Брюйне голга айлантирди.
Шу тариқа Стерлинг Премьер Лигада 20 марта пенальти ишлади. Бу мусобақа рекорди ҳисобланади.
Стерлинг бу борада «Лестер» ҳужумчиси Жейми Вардининг рекордини (19) янгилади. Кейинги ўринларда Уилфрид Заҳа (16) ва Алан Ширер (15) бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)