Каталониянинг «Барселона» жамоаси футбол бўйича Испания чемпионатининг 12-турида 5 декабрь, шанба куни «Кадис»га баҳс олиб борди ва имкониятни бой берди (1:2).
«Барселона» 1991 йилнинг майидан кейин илк бор «Кадис»га ютқазди. Андалусияликлар 29 йил аввал «Барса»ни 4:0 ҳисобида таслим этганди.
Мавсум аввалидаги ўнта ўйиндан кейин каталонлар бор-йўғи 14 очко тўплай олди. Бу жамоа учун 1987/88 йилги мавсумдан кейинги энг ёмон старт бўлди. 33 йил аввал «кўк-анорранглилар» дастлабки 10 турда 13 очко тўплаганди.
Айни дамда Рональд Куман қўл остидаги жамоаси мусобақа жадвалида 7-поғонада бормоқда. «Барселона» ҳисобида иккита захира ўйини мавжуд.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)