Футбол бўйича Европа Лигасининг 5-туридан ўрин олган бир қатор ўйинлар 3 декабрь, пайшанба куни бўлиб ўтди.
«Милан» ўз майдонида «Селтик»ни қабул қилди. Ўйин кутилмаганда меҳмонларнинг иккита тезкор голи билан бошланди. 7-дақиқада Том Рогич ҳимоядаги хатодан унумли фойдаланган бўлса, орадан кўп ўтмай Эдуар иккинчи голни урди.
Учрашувнинг 24-дақиқасида Ҳоқон Чалхонўғлу жарима зарбасини қойилмақом ижро этиб, ҳисобни қисқартирди. Орадан икки дақиқа ўтиб Самюэль Кастильехо мувозанатни тиклади. Иккинчи бўлимда миланликлар яна икки бор меҳмонлар дарвозасига йўл топди. Йенс Ҳеуге ва Браҳим Диаснинг голлари «Милан»га ғалабани тақдим этди.
Гуруҳнинг иккинчи ўйинида «Лилль» сўнгги дақиқалардаги голлар эвазига «Спарта»ни таслим этди. Шу тариқа «Лилль» (11 очко) ва «Милан» (9) муддатидан аввал плей-офф йўлланмасига эга чиқди.
Муддатидан аввал кейинги босқич масаласини ҳал қилиб қўйган «Лестер» сафарда «Заря»га ютқазиб қўйди. «Брага» эса голларга бой бўлган баҳсда ғалабага эришди.
«Тоттенҳэм» жамоаси ЛАСК майдонига сафар қилди. Аввалига майдон эгалари биринчи бўлим якунланиши арафасида олдинга ўтиб олди. Бунга лондонликлар танаффус арафасида Гарет Бэйл томонидан урилган гол билан жавоб қайтарди. Иккинчи бўлим дебютида Сон Ҳён Мин «шпорлар»нинг иккинчи голини урди. ўйиннинг сўнгги дақиқалари қизиқарли кечди. 84-дақиқада ЛАСК ҳисобни тенглаштиришга муваффақ бўлди, бироқ орадан икки дақиқа ўтиб Деле Алли пенальтини аниқ бажарди. Ҳакам томонидан қўшиб берилган вақтда Мамуду Карамоко ўзининг чиройли голи билан ўйинга нуқта қўйди. Бу дуранг орқали Жозе Моуриньо жамоаси плей-офф йўлланмасига эга чиқди.
Гуруҳнинг нариги ўйинида «Антверпен» ўзида «Лудогорец»ни енгди. Сўнгги турда «Антверпен» ва «Тоттенҳэм» биринчи ўрин масаласига ойдинлик киритади.
Европа Лигаси
5-тур баҳслари
3 декабрь, пайшанба
G гуруҳи
«Заря» Украина — «Лестер» Англия 1:0
Гол: 1:0 – 84 Сайядманеш.АЕК Греция — «Брага» Португалия 2:4
Голлар: 0:1 – 7 Тормена, 0:2 – 9 Эшгайю, 1:2 – 31 Оливейра, 1:3 – 45 Рикарду Орта, 1:4 – 82 Галено, 2:4 – 89 Василантонопулос.H гуруҳи
«Милан» Италия — «Селтик» Шотландия 4:2
Голлар: 0:1 – 7 Рогич, 0:2 – 14 Эдуар, 1:2 – 24 Чалхонўғлу, 2:2 – 26 Кастильехо, 3:2 – 50 Ҳеуге, 4:2 – 82 Браҳим Диас.«Милан»: Доннарумма, Габбия, Тео, Кер (Романьоли, 11), Диогу Далот, Ҳеуге, Чалхонўғлу (Браҳим Диас, 61), Кастильехо, Крунич (Тонали, 46), Ребич (Коломбо, 83), Кессиэ (Беннасер, 61).
«Селтик»: Баркас, Элхамед, Аер, Лаксалт, Фримпонг, Рогич (Нтчам, 67), Битон, Браун (Соро, 78), Макгрегор, Кристи (Клималя, 86), Эдуар.
Огоҳлантиришлар: Кристи (23), Рогич (67), Браун (75).
«Лилль» Франция — «Спарта» Чехия 2:1
Голлар: 0:1 – 71 Крейчи, 1:1 – 80 Йилмаз, 2:1 – 84 Йилмаз.I гуруҳи
«Қорабоғ» Озарбайжон — «Маккаби» Исроил 1:1
Голлар: 0:1 – 22, пенальти Коэн, 1:1 – 37 Ромеро.«Сивасспор» Туркия — «Вильярреал» Испания 0:1
Гол: 0:1 – 75 Чуквуэзе.J гуруҳи
ЛАСК Австрия — «Тоттенҳэм» Англия 3:3
Голлар: 1:0 – 42 Михорл, 1:1 – 45, пенальти Бэйл, 1:2 – 56 Сон Ҳён Мин, 2:2 – 84 Эггештайн, 2:3 – 86, пенальти Алли, 3:3 – 90 Карамоко.ЛАСК: Шлагер, Андраде, Ранфтл, Визингер, Гойгингер (Карамоко, 69), Реннер, Эггештайн, Михорл, Грубер (Райтер, 69), Мадсен, Ҳолланд.
«Тоттенҳэм»: Ҳарт, Танганга, Санчес, Дэвис, Доэрти, Лукас Моура (Сиссоко, 65), Ндомбеле (Бергвейн, 65), Бэйл (Орье, 82), Ҳёйбьерг, Сон Ҳён Мин (Алли, 82), Ло Чельсо (Дайер, 71).
Огоҳлантиришлар: Лукас Моура (25), Михорл (32), Андраде (45), Карамоко (79), Визингер (86), Алли (88).
«Антверпен» Бельгия — «Лудогорец» Болгария 3:1
Голлар: 1:0 – 19 Онгла, 1:1 – 53 Десподов, 2:1 – 72 де Лат, 3:1 – 87 Бенсон.L гуруҳи
«Гент» Бельгия — «Слован» Чехия 1:2
Голлар: 0:1 – 32 Мара, 0:2 – 55 Качараба, 1:2 – 59 Яремчук.«Црвена Звезда» Сербия — «Ҳоффенҳайм» Германия 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)