Эрон разведка хизмати ядро физиги Муҳсин Фахризоданинг ўлдирилишини ташкиллаштирган кишиларнинг шахсини аниқлади. Эрон ҳукуматининг расмий вакили Али Рабий Теҳрон «жавоб чораларини» кўришини маълум қилди, деб хабар бермоқда «Korrespondent.net».
«Барча ҳолатлар ўрганилмоқда ва улар аниқланиши билан жавоб чоралари ишлаб чиқилади», — дея таъкидлаган Али Рабий.
Муҳсин Фахризода Эрон Мудофаа вазирлиги ҳузуридаги тадқиқот марказига раҳбарлик қилган. У 27 ноябрь куни Теҳрон провинциясининг Дамовенд шаҳрида ўлдирилган. Олимга тўхтаб турган машинадан ўқ узилган, у касалхонада вафот этган.
Воқеадан сўнг Эрон президенти хавфсизлик чораларини кучайтириш ҳақида топшириқ берди. Эрон ўлдирилган ядро физиги учун қасос олишга ваъда берди. Туркия эса минтақада тинчликни бузмасликка чақирди.
Олимнинг ўлдирилиши ортидан Эрон ядровий фаолиятини қайта тиклашни режалаштирмоқда, мамлакат парламенти мамлакатнинг ядровий фаолиятини тиклаш бўйича лойиҳанинг умумий қоидаларини маъқуллади.
Изоҳ (0)