Пуэрто-Рикода дунёдаги энг йирик радиотелескоплардан бири ҳисобланган «Аресибо» қабул қилувчи аппаратураси жойлашган кўп тонналик платформа ўз оғирлигини кўтара олмай, 305 метрдан қулаши оқибатида вайрон бўлди. Бу ҳақда АҚШ Миллий илмий жамғармаси матбуот хизматига таяниб, «РБК» хабар берди.
«1 декабрь куни соат 07:55 да ‘Аресибo’ обсерваториясидаги 305 метрли телескоп платформасининг қулаб тушиши оқибатида антенналар ва атрофдаги объектларга шикаст етди», — дейилади хабарда.
Матбуот хизматининг аниқлик киритишича, қулаш оқибатида ҳеч ким жароҳат олмаган. Ҳозирда экспертлар етказилган зарар ва конструкциянинг қулаши оқибатида юзага келадиган потенциал экологик хавфни баҳолаш билан шуғулланмоқда.
Америка метеорологик жамияти аъзоси ва тележурналист Дебор Марторелл ўзининг Twitter’даги саҳифаси орқали телескопнинг қулашидан олдинги ва кейинги суратлари билан бўлишган. Унинг сўзларига кўра, суратлардан бири 30 ноябрь куни, иккинчиси — 1 декабрь куни олинган.
Ayer fue la última vez que visite esta belleza de lugar. Lamentablemente agonizaba. Aquí imágenes de ayer y hoy. pic.twitter.com/jWuAwtUc1s
— Deborah Martorell (@DeborahTiempo) December 1, 2020
Телескоп конструкциясининг бузилиши 2020 йил августида бошланган эди. Ўшанда ёрдамчи трослардан бири узилиб кетиб, антеннани тешиб қўйган. Орадан бир неча ой ўтгач, асосий трослардан яна бири узилиб кетган. Мутахассисларнинг аниқлашича, телескопнинг вайрон бўлган конструкцияси жуда беқарор бўлиб қолган ва уни таъмирлаш ишчилар ҳаётига хавф туғдирган. Обсерватория ишини тўхтатиш бўйича қарор қабул қилинган.
1974 йилда «Аресибо» обсерваториясидан Ердан 25 минг ёруғлик йили узоқлигида жойлашган М13 юлдузлар туркумидаги томон ўзга сайёраликларга кодланган радиомурожаат йўлланган. Унда олимлар Фрэнк Дрейк ва Карл Саган томонидан инсон ДНКсини кодланган маълумотлари ўрин олган.
Изоҳ (0)